ఎ) శాఖ / సంస్థ గురించి పరిచయం
జిల్లాలో 20 మెగా పరిశ్రమలు రూ.30053.55 కోట్ల పెట్టుబడి తో స్థాపించబడినవి. ఈ పరిశ్రమల వలన 38,910 మందికి ఉపాధి కల్పించబడినది. మరియు 19 మెగా ప్రాజెక్టులు ద్వారా రూ.14572.00 కోట్ల పెట్టుబడి తో 22,006 మందికి ఉపాధి కల్పించుటకు వివిధ దశలలో ప్రతిపాదనలు ఉన్నవి.
జిల్లాలో 42 భారీ పరిశ్రమలు రూ.1719.03 కోట్ల పెట్టుబడి తో స్థాపించబడినవి. ఈ పరిశ్రమల వలన 9323 మందికి ఉపాధి కల్పించబడినది. మరియు 31 ప్రతిపాదిత భారీ పరిశ్రమల ద్వారా రూ.4389.36 కోట్ల పెట్టుబడి తో 8889 మందికి ఉపాధి కల్పించబడును. ఇప్పటి వరకు జిల్లాలో 30869 చిన్న తరహా పరిశ్రమల ద్వారా రూ.434.51 కోట్ల పెట్టుబడి తో 1,28,429 మందికి ఉపాధి కల్పించబడినది.
జిల్లాలో ఇప్పటివరకు వివిధ ప్రతిపాదిత పరిశ్రమలకు సింగల్ డెస్క్ విధానము క్రింద 2561 అనుమతులు మంజూరు చేయబడినది.
జిల్లాలో సూక్ష్మ, చిన్న మరియు మధ్య తరహా పరిశ్రమలు నెలకొల్పుటకు గాను నియోజక వర్గములు వారీగా MSME పార్కులు ఏర్పాటు జరుగుతున్నది. మహిళలకు ప్రత్యేకించి 200 కోట్ల రూపాయల పెట్టుబడితో 10000 మందికి ఉపాధి కల్పించు ఉద్దేశంతో ప్రత్యేక ఇండస్ట్రియల్ పార్క్ ను కొడవలూరు మండలం బొడ్డువారి పాలెం నందు స్థాపించే ప్రతిపాదనలు పంపబడుచున్నవి.
జిల్లాలో ప్రధాన మంత్రి ఉపాధి కల్పనా పధకము క్రింద 2015-16 సంవత్సరములో రూ. 64.06 లక్షల మార్జిన్ మనీ తో 32 యూనిట్లు స్థాపించబడినవి. వీటి ద్వారా సుమారు 129 మందికి ఉపాధి కల్పించబడినది.
జిల్లాలో ఇప్పటివరకు 1808 పరిశ్రమలకు రూ. 96,71,24,771/- రాయితీలు మంజూరు చేయబడినవి.