ఎ) శాఖ / సంస్థ గురించి పరిచయం:
కార్మిక శాఖ అనునది నిజానికి కార్మిక చట్టములు అమలు చేయు శాఖ. కానీ కొంతకాలం క్రితం కార్మిక సంక్షేమ శాఖగా రూపు దిద్దుకుంది. దీని విధులు ఏమనగా, సంఘటిత మరియు అసంఘటిత రంగములలో సంక్షేమ పధకాలు, కనీస వేతనముల నిర్ధారణ, చనిపోయిన కార్మికులకు మరియు గాయపడిన కార్మికులకు నష్ట పరిహారము ఇప్పించుట, వేతనముల చెల్లింపు, బోనస్ చెల్లింపు మొదలగునవి వాటి అమలుతో షాపులు, సంస్థలు, ఫ్యాక్టరీలు, మోటార్ ట్రాన్స్ పోర్ట్ మొదలగు వాటి కార్మికుల సంక్షేమము చూచుట వంటివి ముఖ్యమైన విధులు మరియు కార్మికుల పరంగా దిగువ చూపిన చట్టములను కార్మిక శాఖ అమలు చేయుచున్నది. జీవో.యం .యస్. నెంబర్.33 మరియు ఈజీ ఆఫ్ డూయింగ్ బిజినెస్ ( E.O.D.B) సూచనల ప్రకారము ఆన్ లైన్ ఇన్స్పెక్షన్ పోర్టర్ లో నిర్ధేశించిన తనిఖీలు మాత్రమే చేయవలెను. మరియు ఆదివారము, జాతీయ సెలవు దినములు పండుగల నిర్ధేశిత సెలవు దినములు తనిఖీలు మరియు రాత్రి పూట తనిఖీలు సెక్షన్ 12(1), 31(1), 7(1)లు ఆంధ్రప్రదేశ్ దుకాణములు మరియు సంస్థల చట్టము ప్రకారము కార్మిక కమీషనరు, విజయవాడ వారి ఉత్తర్వులు ద్వారా ప్రస్తుతం లేవు.
- వేతనముల చెల్లింపు చట్టము, 1936
- కనీసవేతనముల చట్టము, 1948
- వర్కింగ్ జర్నలిస్టు (CMP) చట్టము, 1955
- ప్రసూతి సహాయక చట్టము, 1961
- మోటారు రవాణా కార్మికుల చట్టము, 1961
- బోనస్ చెల్లింపుల చట్టము, 1965
- బీడీ మరియు సిగార్ కార్మికుల (CEO) చట్టము, 1966
- కాంట్రాక్ట్ లేబర్ (R&A) చట్టము, 1970
- గ్రాట్యుటీ చెల్లింపు చట్టము 1972
- ఆంధ్రప్రదేశ్ కర్మాగారములు మరియు సంస్థల (NF&OH) చట్టము, 1974
- సమాన వేతనముల చట్టము, 1976
- సేల్స్ ప్రమోషన్ ఎంప్లాయీస్(COS) చట్టము, 1976
- అంతర్ రాష్ట్ర వలస కార్మికుల చట్టము, (RE&CS) చట్టము,1979
- బాల కార్మికుల (P&R) చట్టము, 1986
- ఆంధ్రప్రదేశ్ కార్మిక సంక్షేమ మండలి నిధి చట్టము, 1987
- ఆంధ్రప్రదేశ్ దుకాణములు మరియు సంస్థలు చట్టము, 1988
- ఆంధ్రప్రదేశ్ భవన మరియు ఇతర నిర్మాణ రంగ కార్మికుల (RE&CS) చట్టము, 1996
1. న్యాయపరమైన సేవలు:
సహాయ కార్మిక కమీషనరు, నెల్లూరు మరియు గూడూరు వారు కనీస వేతనముల చట్టము, జీతముల చెల్లింపుల చట్టము, కార్మిక నష్ట పరిహార చట్టము, ఇండస్ట్రియల్ వివాదముల చట్టముల క్రింద వివిధ కేసులలో క్వాషీ జుడీషియల్ ఆధారిటీగా కోర్టును నిర్వహించెదరు.
ఉప కార్మిక కమీషనరు, నెల్లూరు వారు కనీస వేతనముల చట్టము, జీతముల చెల్లింపుల చట్టము, కార్మిక నష్ట పరిహార చట్టము, ఇండస్ట్రియల్ వివాదముల చట్టముల క్రింద వివిధ కేసులలో అప్పీలేట్ ఆధారిటీగా మరియు క్వాషీ జుడీషియల్ ఆధారిటీగా కోర్టును నిర్వహించెదరు.
