నిరుద్యోగ యువతకు స్వయం ఉపాధి కల్పించుటకు జిల్లా కలెక్టరు గారి అధ్యక్షతన 1981వ సంవత్సరములో శిక్షణా మరియు ఉపాధి ప్రోత్సాహక సంస్థ ఏర్పాటు చేయడం జరిగినది. రాష్ట్ర స్థాయిలో యువజన సర్వీసులశాఖ కమీషనర్ గారు ఈ సంస్థకు కార్యాచరణ, నిధులు ఏర్పాటు చేసి కార్యకలాపాలను సమీక్షించెదరు.
ప్రతి సంవత్సరము మేనేజింగ్ డైరెక్టర్, ఏ.పి.స్టెప్. వారి ఆదేశముల ప్రకారము జాతీయ / అంతర్జాతీయ ముఖ్య దినోత్సవములు నిర్వహించబడును.
2. అంతర్ జిల్లా యువజన అవగాహనా దినోత్సవము .
రాష్ట్రం లోని వివిధ ప్రాంతములలోని సంస్కృతి సాంప్రదాయాలు, ఆచార వ్యవహారాలు మరియు ఇతర అభివృద్ధి కార్యక్రమాలపై యువతకు అవగాహన కల్పించినట్లైతే ఆ ప్రభావం వారి అభివృద్ధికి ఎంతో కొంత దోహదపడుతుందన్న భావన ఈ కార్యక్రమం ముఖ్య ఉద్దేశ్యం. ఇందులో భాగముగా ప్రతి ఏడాది జిల్లాలోని 100 మంది యువతను మన రాష్ట్రము లోని ఇతర జిల్లాలకు పంపి మూడు రోజులపాటు ఆ జిల్లా యువజన సంక్షేమ శాఖ సహకారంతో పర్యటనకు ఏర్పాటు చేయడం జరుగుతుంది.
యువతకు వ్యక్తిగత అభివృధి, జీవన ప్రగతికి నిర్దేశము, మరియు వారి ప్రస్తుత సమాజములో వారి యొక్క భాద్యతలను పెంపొందించుటకు గాను ఈ సమైఖ్యత శిబిరమును ప్రతి జిల్లా నుండి 25 మంది యువతను ఆహ్వానించి నిర్వహించెదరు.
యువత లోని కళా నైపుణ్యాన్ని వెలికితీసి వారిని ప్రోత్సహించుటకు యువజనోత్సవాలు నిర్వహించబడుచున్నవి. ప్రతి సంవత్సరము స్వామి వివేకానంద జయంతిని పురస్కరించుకొని జనవరి నెలలో భ్రమణ పద్దతిలో ఎన్నుకొనబడిన రాష్ట్రం లో భారత ప్రభుత్వం ఆ రాష్ట్ర సహకారముతో అన్ని రాష్ట్రాల నుండి కళాకారులను ఆహ్వానించి జాతీయ యువజనోత్సవాలు నిర్వహించెదరు. జాతీయ యువజనోత్సవాలలో రాష్ట్రం తరపున ప్రాతినిధ్యం వహించుటకు మొదట డివిజన్ స్ధాయి యువజనోత్సవాలను ఆగస్టు . సెప్టెంబరు నెలలో జరుపుకొని , వాటిలో ప్రధమ స్ధానం లో నిలిచిన వారికి తిరిగి జిల్లాస్ధాయిలో పోటీలు నిర్వహించబడుచున్నవి. ఈ జిల్లాస్ధాయి యువజనోత్సవాలలో ప్రధమ స్ధానం లో నిలిచిన యువ కళాకారులను డిసెంబరు చివరి వారం లో రాష్ట్రస్ధాయిలో యువజనోత్సవాలు నిర్వహించి, రాష్ట్రస్ధాయిలో ప్రధమ స్ధానం లో నిలిచిన వారిని జాతీయ స్ధాయి పోటీలకు ఎంపిక చేసెదరు. శాస్త్రీయ నృత్యము, శాస్త్రీయ సంగీతము, జానపద నృత్యము, జానపద సంగీతము, ఏకాంకిక నాటిక మొదలగు విభాగములకు సంబంధించి 18 అంశములలో పోటీలను నిర్వహించబడును. ఈ పోటీలకు 15 నుండి 29 సంవత్సరముల మధ్య వయస్సు గల యువతీ యువకులు అర్హులు. పోటీలలో గెలుపొందిన వారికి ప్రశంసా పత్రము, మెమెంటో మరియు పాల్గొన్నవారికి ప్రశంసా పత్రము ఇవ్వబడును.
ప్రతి సంవత్సరము స్వామి వివేకానంద జయంతిని పురస్కరించుకొని జనవరి నెల 12 నుంచి 18వ తేది వరకు విద్యార్ధులు, యువజన సంఘాల సభ్యులతో కలసి యువజన వారోత్సవాలు (యువ మహోత్సవం) నిర్వహించబడుతాయి. ఈ సందర్భంగా గ్రామీణ క్రీడలు, సాంస్కృతిక కార్యక్రమాలు,రంగోళీ పోటీలు, యువజన సదస్సులు, ర్యాలీలు మొదలగు కార్యక్రమాలతో యువమహోత్సవాలు నిర్వహించబడతాయి. పోటీలలో గెలుపొందిన వారికి ప్రశంసా పత్రం, మెమెంటోలతో సత్కరించబడును మరియు పాల్గొన్నవారికి ప్రశంసా పత్రము ఇవ్వబడును.
రాష్ట్ర ప్రభుత్వం ప్రవేశపెట్టిన వివిధ సంక్షేమ అభివృద్ధి కార్యక్రమాల పట్ల యువతలో అవగాహన కల్పించి అట్టి కార్యక్రమాలలో వారిని భాగస్వామ్యం చేసి వాటి విజయవంతంకై జిల్లా యందు యువజన సంఘాలను ఏర్పాటు చేయడం మరియు ఇంతకు ముందే ఏర్పడిన యువజన సంఘాలను బలోపేతం చేయడం జరుగుతుంది.
మన రాష్ట్రము లోని వివిధ ప్రాంతాలలో జరుగు ఆర్మీ / నేవీ / ఎయిర్ ఫోర్స్ రిక్రూట్ మెంట్ ర్యాలీల నందు నెల్లూరు జిల్లా యువత అధిక సంఖ్యలో పాల్గొనేందుకు విస్తృత ప్రచారం చేయడంతో పాటు నెల్లూరు నందు రిక్రూట్ మెంట్ ర్యాలీలు నిర్వహించు సైన్యాధికారులకు సహాయ సహకారాలు అందించడం జరుగుతుంది. అంతేకాక జిల్లా నుండి ఎక్కువ మంది ఎంపికవుటకు జిల్లాలోని యువతకు ఒక నెల రోజులపాటు శారీరక దారుడ్యం, వ్రాత పరీక్ష కొరకు ఉచిత శిక్షణ ఇవ్వడం జరుగుతుంది.
| వరుస సంఖ్య | పేరు | హోదా | ఫోన్ నెంబర్ |
|---|---|---|---|
| 1 | యస్. కనక దుర్గా భవాని | ముఖ్యకార్యనిర్వాహణాధికారి | 9849909074 |
| 2 | పి. శ్రీమన్నారాయణ | మేనేజర్ (ఇంచార్జ్) | 9849913074 |
| 3 | యండి. గయజ్ అహమద్ | సూపరింటెండెంట్ | 9491652138 |
| 4 | జి. రవిచంద్రన్ | సీనియర్ సహాయకులు | 9848737316 |
| 5 | ఎన్. విజయభాస్కర్ | టైపిస్ట్ | 9398770989 |
| 6 | సి.వి.ఆర్. ఆంజనేయులు | ఆఫీస్ సబార్డినేట్ | 9000083933 |
| 7 | కె. వెంకటేశ్వర్లు | ఆఫీస్ సబార్డినేట్ | 9441960779 |
| 8 | యం. బ్రహ్మయ్య | ఆఫీస్ సబార్డినేట్ | 9908703952 |
| 9 | పి. ప్రసాద్ రావు | వాచ్ మెన్ | 9849662377 |
ఈ మెయిల్ – setnelnellore[at]gmail[dot]com
పోస్టల్ అడ్రస్ – ముఖ్య కార్యనిర్వహణాధికారి,
సెట్నెల్ కార్యాలయము,
ఏ కె. నగర్ పోస్ట్ ఆఫీస్,
ఇండస్ట్రియల్ ఎస్టేట్,
ఆంధ్ర కేసరి నగర్ , నెల్లూరు – 524004
