Menu Toggle
మరింత
ముగించు

జిల్లా పంచాయతీ కార్యాలయం

ప్రొఫైల్

జిల్లా పంచాయతీ అధికారి నేతృత్వంలోని జిల్లా పంచాయతీ కార్యాలయం జిల్లాలోని గ్రామ పంచాయతీలపనితీరును పర్యవేక్షించే బాధ్యత కలిగిన చట్టబద్ధమైన సంస్థ. గ్రామ పంచాయతీ పరిపాలన మొత్తం జిల్లా పంచాయతీ అధికారి నియంత్రణ మరియు పర్యవేక్షణలో ఉంటుంది.

జిల్లా పంచాయతీ అధికారి (DPO)కలెక్టర్మరియు జిల్లా మెజిస్ట్రేట్ గారి పరిపాలనా నియంత్రణలో పని చేస్తారు.

పంచాయితీ రాజ్ శాఖలోని జిల్లా పంచాయతీ అధికారి యూనిట్‌ను “కలెక్టర్ (పంచాయతీ విభాగము)” అని పిలుస్తారు.

పరిధి:

శ్రీ పొట్టిశ్రీరాములు నెల్లూరు జిల్లా లోని: పంచాయతీ డివిజన్లు-4, మండలాలు -37, గ్రామ పంచాయతీలు -722 మరియు గ్రామ సచివాలయాలు-550.

జిల్లా పంచాయతీ అధికారి యొక్క ముఖ్యమైన అధికారాలు మరియు విధులు:

  • జిల్లాలోని డివిజనల్ పంచాయతీ అధికారులు, విస్తరణ అధికారి (PR&RD)లు, గ్రామ పంచాయతీలు మరియు వాటి కార్యనిర్వాహకులపై పర్యవేక్షణ మరియు నియంత్రణ.
  • జిల్లాలోని రూ.21 లక్షల పై బడిన సంత్సర ఆదాయం కలిగిన అన్నిగ్రామ పంచాయతీలు, అన్ని డివిజనల్ పంచాయతీ అధికారులు మరియు విస్తరణ అధికారి (PR&RD)కార్యాలయాలను ప్రతి సంవత్సరం తనిఖీ చేయడం మరియు అన్ని గ్రామ పంచాయతీలను ప్రతి సంవత్సరం విస్తరణ అధికారి (PR&RD)లు,డివిజనల్ పంచాయతీ అధికారుల ద్వారా తనిఖీ చేసేలా చూడాలి.
  • గ్రామ పంచాయతీల దుష్పరిపాలనపై వచ్చిన ఫిర్యాదులపై విచారణలు నిర్వహించి ఉన్నతాధికారులకు నివేదికలు సమర్పించడం.
  • ఆంధ్రప్రదేశ్ పంచాయితీ రాజ్ చట్టం, 1994లోని నిబంధనల ప్రకారం జిల్లా కలెక్టర్‌కు కేటాయించిన చట్టబద్ధమైన విధులను నిర్వర్తించడంలో వారికి సహాయం చేయడం.
  • గ్రామ పంచాయతీ నిధులు, కేంద్ర ఫైనాన్స్ కమిషన్ గ్రాంట్లు మరియు ఇతర ప్రభుత్వగ్రాంట్లతో గ్రామ పంచాయతీలలో చేపట్టిన పనులను పరిశీలించడం.
  • గ్రామ పంచాయతీలలో ఇంటి పన్ను సాధారణ సవరణకు (general revision) సంబంధించిన పనులను పర్యవేక్షించడం మరియు తనిఖీ చేయడం.
  • లోకల్ ఫండ్ డిపార్ట్‌మెంట్ (ఆడిట్) జారీ చేసిన సర్‌చార్జ్ సర్టిఫికెట్‌ల ద్వారా కవర్ చేయబడిన మొత్తాల రాబట్టుట కోసం చర్యలు తీసుకోవడం.
  • గ్రామ పంచాయతీల ఓటర్ల జాబితాలను సిద్ధం చేయడం, ప్రచురించడం మరియు నిర్వహించడం.
  • గ్రామ పంచాయితీలలో జూనియర్ సహాయకుల కేడెర్ వరకు గల అన్ని పోస్టులలోని సిబ్బంది (Provincialized Staff)బదిలీలు మరియు పోస్టింగ్‌ల కోసం సమర్థ అధికారం కలదు.
  • జిల్లాలోని అన్ని గ్రామ పంచాయితీల వార్షిక పరిపాలన నివేదికలను తయారు చేసి పంచాయితీ రాజ్ కమిషనర్‌కి సమర్పించడం.
  • ఆంధ్రప్రదేశ్ పంచాయతీ రాజ్ చట్టం, 1994లోని నిబంధనల ప్రకారం కల్పించబడిన అన్ని ఇతర అధికారాలు మరియు విధులు.

గ్రామ పంచాయతీల యొక్క ముఖ్యమైన విధులు:

గ్రామ పంచాయితీలు గ్రామీణ జనాభాకు అనేక రకాల పౌర సేవలు  మరియు సౌకర్యాలను అందిస్తాయి, గ్రామీణ ప్రజలు  గౌరవప్రదమైన జీవితానికి అవసరమైన ప్రాథమిక సేవలు మరియు మౌలిక సదుపాయాలను కలిగి ఉండేలా చూస్తారు. వాటిలో కొన్ని ముఖ్యమైనవి:

  1. తాగునీటి సరఫరా: గ్రామంలోని ప్రతి ఇంటికి సురక్షితమైన మరియు రక్షిత మంచినీటిని అందేలా చూడటం. గ్రామ పంచాయితీ యొక్క కార్యనిర్వాహక అధికారి నీటి సరఫరా చేసే ముందు సరఫరా చేయు నీరు  క్లోరినేషన్ చేసిందని నిర్ధారించుకోవాలి మరియు నీటికి సంబంధించిన వ్యాధులను నివారించడానికి కాలానుగుణంగా నీటి పరీక్షలు చేయాలి.
  2. పారిశుధ్యం: రోజూ ఇంటింటి నుండి చెత్త సేకరణ కార్యక్రమం, సైడు కాలువల నుండి మురుగు తొలగించడం, చెత్త కుప్పల తొలగింపు మొదలైన సాధారణ పారిశుద్ధ్య కార్యకలాపాలను అమలు చేయడం మరియు బహిరంగ మలవిసర్జన రహిత గ్రామాలను సాధించడానికి స్వచ్ఛ భారత్ మిషన్ వంటి కార్యక్రమాలు మరియు పరిశుభ్రత ప్రోత్సాహక కార్యక్రమాల నిర్వహణ.
  3. రోడ్లు మరియు మౌలిక సదుపాయాలు: గ్రామాలలో కనెక్టివిటీని మెరుగుపరచడానికి గ్రామ రోడ్లు, కల్వర్టులు మరియు వంతెనల నిర్మాణం మరియు వాటి నిర్వహణ.
  4. స్ట్రీట్ లైటనింగ్: రాత్రివేళల్లో దృశ్యమానత, మరియు భద్రతను అందించడానికి వీధిలైట్ల సంస్థాపన మరియు నిర్వహణ.
  5. వేస్ట్ మేనేజ్‌మెంట్: గ్రామాలను పరిశుభ్రంగా ఉంచడానికి వ్యర్థాల విభజన మరియు నిర్వహణ పద్ధతులను ప్రోత్సహించడం.
  6. సాంఘిక సంక్షేమం: పెన్షన్ పథకాలు, గృహనిర్మాణ పథకాలు మరియు ఉపాధి కల్పన కార్యక్రమాలు వంటి వివిధ సామాజిక సంక్షేమ పథకాలను అమలు చేయడం.
  7. సొంత ఆర్ధిక వనరులు: భారత రాజ్యాంగం మరియు ఆంధ్రప్రదేశ్ పంచాయతీ రాజ్ చట్టం 1994 ప్రకారం గ్రాంట్ ఇన్-ఎయిడ్స్ మరియు సెంట్రల్ &స్టేట్ ఫైనాన్స్ కమీషన్ గ్రాంట్ నిధులు  కాకుండా, గ్రామ పంచాయతీలు  కొన్ని రకాల పన్నులు మరియు రుసుములను విధించడానికి మరియు వసూలు చేయడానికి గ్రామ పంచాయతీలకు అధికారం ఉంది. గ్రామ పంచాయితీలు స్వయం-సుస్థిర యూనిట్లుగా అభివృద్ధి చెందడానికి మరియు గ్రామ ప్రజలకు గ్రామ పంచాయితీలు అందించే పౌర సదుపాయాలపై అయ్యే ఖర్చులను భరించేందుకు గ్రామ పంచాయతీల ద్వారా పన్నులుమరియు రుసుములు విధించడం  వసూలు చేయడం చేయడం చాలా కీలకం.

డిపార్టుమెంట నిర్మాణం :

Organization Chart

జిల్లాలో సిబ్బంది:

వ. నెం. పోస్టు పోస్టుల సంఖ్య ప్రస్తుతం పనిచేస్తున్న వారి సంఖ్య
1 జిల్లా పంచాయతీ అధికారి 1 1
2 డివిజినల్ పంచాయతీ అధికారి 3 3
3 విస్తరణ   అధికారి (పి. ఆర్. &ఆర్. డి) 37 30
4 పంచాయతీ కార్యదర్శి గ్రేడ్ –   I 53 45
5 పంచాయతీ కార్యదర్శి గ్రేడ్ –   II 47 34
6 పంచాయతీ కార్యదర్శి గ్రేడ్ –   III 134 125
7 పంచాయతీ కార్యదర్శి గ్రేడ్ –   IV 252 213
8 పంచాయతీ కార్యదర్శి గ్రేడ్ –   V 317 295
9 పంచాయతీ కార్యదర్శి గ్రేడ్ –   VI 550 494

కొనసాగుతున్న పథకాలు/ సేవలు:

స్వ మిత్వ (SVAMITVA):

(గ్రామాల సర్వే మరియు గ్రామ ప్రాంతాలలో మెరుగైన సాంకేతికతతో మ్యాపింగ్ చేయడం)

గ్రామాల్లో నివసించే, గ్రామీణ ప్రాంతాల్లో ఇళ్లు కలిగి ఉన్న గ్రామ గృహ యజమానులకు ‘రికార్డ్ ఆఫ్ రైట్స్’ అందించడం ద్వారా, బ్యాంకు నుండి రుణాలు మరియు ఇతర ఆర్థిక ప్రయోజనాలను తీసుకోవడానికి వారి ఆస్తిని ఉపయోగించుకునేలా చేస్తుంది.

శ్రీ పొట్టి శ్రీరాములునెల్లూరు జిల్లాలో స్వామిత్వ   కార్యక్రమం యొక్క ప్రస్తుత ప్రగతి నివేదిక (06/2024 నాటికి )
గ్రామ పంచాయతీల   సంఖ్య డ్రోన్ ఫ్లయింగ్ పూర్తయిన గ్రామ పంచాయతీల సంఖ్య వ్యవసాయ రీసర్వే పూర్తయిన గ్రామాల సంఖ్య పూర్తి చేయాల్సిన గ్రామాల సంఖ్య మ్యాప్-1 &మ్యాప్-2   పూర్తయిన గ్రామ పంచాయతీల సంఖ్య &సెక్షన్ 13 కింద నోటిఫికేషన్ జారీ చేయబడింది ఫారమ్ GK-Iలో RoRని సిద్ధం చేయడానికి ఫారం GK-IIIలో రికార్డింగ్ అథారిటీ జారీ చేసిన గ్రామ పంచాయతీల సంఖ్య ఫారమ్ GK-VIలో   రికార్డింగ్ అథారిటీ RoRని   ప్రచురించిన గ్రామ పంచాయతీల సంఖ్య
722 546 341 214 127 125 125

స్వచ్ఛ సంకల్పం (CLAP):

స్వచ్ఛ ఆంధ్రప్రదేశ్ (CLAP)-కార్యక్రమం ప్రజల భాగస్వామ్యంతో గ్రామీణ ప్రాంతాలను శుభ్రపరచడం, పారిశుధ్యాన్ని మెరుగుపరచడం మరియు వ్యర్థ పదార్థాల నిర్వహణను లక్ష్యంగా చేపడుతున్న కార్యక్రమము.

ప్రాజెక్ట్ యొక్క లక్షణాలు:

  • ఘన వ్యర్థాలను సురక్షితంగా నిర్వహించడం
  • ప్రతి 250 గృహాలకు ఒక క్లాప్ మిత్రను పంచాయితీ కార్యదర్శి పర్యవేక్షణలో పొడి మరియు తడి చెత్తను రోజువారీగా సేకరించేందుకు కేటాయించడం.
  • సేకరించిన చెత్తను తదుపరి ప్రాసెసింగ్ కొరకు మరియు నిల్వ చేయడం కోసం SWPC షెడ్‌కు రవాణా చేయబడుతుంది.
  • వాన పాముల సహాయంతో రెండు మూడు నెలల్లో తడి చెత్తతో నాణ్యమైన వర్మీ కంపోస్టు తయారవుతుంది.
  • పొడి వ్యర్థాలను ప్రతి వస్తువుకు విడిగా కేటాయించిన తొట్టెలలో నిల్వ చేసి రీసైక్లింగ్ కోసం విక్రయిస్తారు.

సాలిడ్ వెల్త్ ప్రాసెసింగ్ సెంటర్ నిర్మాణం ద్వారా గ్రామ పంచాయితీలు శానిటేషన్ విధానంలో కొత్త మార్పును తీసుకుంది, సాలిడ్ వెల్త్ ప్రాసెసింగ్ సెంటర్ నిర్మాణానికి ముందు ఘన వ్యర్థాలను అపరిశుభ్రంగా పారవేయడంమరియు పరిసరాలు అపరిశుభ్రంగా వుండేవి. గ్రామ పంచాయతీలు సాలిడ్ వేస్ట్ మేనేజ్‌మెంట్‌లో కొత్త పద్ధతికి మారాయి.

జిల్లాలో SWPC షెడ్‌ల పురోగతి (06/2024 నాటికి):

వ. సంఖ్య వివరములు అవసరమైన సంఖ్య నిర్మించినవి / పని చేస్తున్న వారి సంఖ్య
1 SWPC షెడల సంఖ్య 722 503
2 Clap మిత్రల సంఖ్య 1783 1783
3 షెడల నందు   పనిచేస్తున్నClap మిత్రల   సంఖ్య 503 493

పి ఆర్ –వన్ అప్లికేషన్

PR-ONE అనేది Google Play స్టోర్‌లో అందుబాటులో ఉన్న ఆండ్రోయిడ్ (Android)అప్లికేషన్ మరియు ఇది ప్రత్యేకంగా గ్రామ పంచాయతీలలో పారిశుద్ధ్యం మరియు నీటి సరఫరాను పర్యవేక్షించడానికి రూపొందించబడింది మరియు ఇది జియో ట్యాగింగ్‌తో అనుసంధానించబడింది.

  • SPSR నెల్లూరు జిల్లాలో, 37 మండలాల్లోని అన్ని 722 గ్రామ పంచాయతీలు ఈ అప్లికేషన్‌లో విజయవంతంగా నమోదు చేయబడ్డాయి.
  • జిల్లా పంచాయతీ కార్యాలయములో ఏర్పాటు చేసిన కమాండ్ కంట్రోల్ సెంటర్ (CCC) ఈ అప్లికేషన్ ద్వారా జిల్లాలోని గ్రామ పంచాయతీలలో పారిశుధ్యం మరియు తాగునీటి సరఫరాను పర్యవేక్షిస్తుంది.
  • డ్రైనేజీలలో సిల్ట్ క్లీనింగ్, చెత్త కుప్పల క్లియరెన్స్, OHSR ట్యాంకులు శుభ్రపరచడం మొదలైనవి, కార్యకలాపాలు ఈ ఆప్ద్వారా పర్యవేక్షించబడతాయి.

డిజిటల్ చెల్లింపులు:

  గ్రామ పంచాయితీలలో సుపరిపాలనలో భాగంగా రాష్ట్రంలోని అన్ని గ్రామ పంచాయితీలలో డిజిటల్ చెల్లింపులు/నగదు రహిత లావాదేవీలను ప్రోత్సహించడానికి పంచాయత్ రాజ్ శాఖ “AP PANCHAYAT” ఆండ్రాయిడ్ అప్లికేషన్‌ను ప్రవేశపెట్టింది.

  • SPSR నెల్లూరు జిల్లాలో, 37 మండలాల్లోని అన్ని 722 గ్రామ పంచాయతీలు ఈ అప్లికేషన్‌లో విజయవంతంగా నమోదు చేయబడ్డాయి.
  • ఇందులో భాగంగా 722 గ్రామ పంచాయతీలు స్టేట్ బ్యాంక్ ఆఫ్ ఇండియాలో కరెంట్ బ్యాంక్ ఖాతాలను తెరిచాయి మరియు దీనికి సంబంధించి నగదు రహిత లావాదేవీలను ప్రోత్సహించడానికి బ్యాంకర్లు సంబంధిత గ్రామ పంచాయతీలకు 722 QR కోడ్‌లు మరియు 117 PoS మెషీన్‌లను అందించారు.
  • అన్ని పన్నులు, ఫీజులు, దరఖాస్తు రుసుము మరియు ఇతర చెల్లింపులు ఈ యాప్ ద్వారా సేకరిస్తున్నారు మరియు తర్వాత ఇది సంబంధిత ట్రెజరీ PD ఖాతాకు సర్దుబాటు చేయబడుతుంది.
  • ఇది GPలలో నిధుల దుర్వినియోగాన్ని తగ్గించింది మరియు గ్రామ పంచాయితీ ద్వారా ప్రజలకు జవాబుదారీతనాన్ని పెంపొందిస్తుంది.

ఈగ్రామస్వరాజ్ (eGramSwaraj)

(పంచాయతీ రాజ్ కోసం సరళీకృత పని ఆధారిత అకౌంటింగ్ అప్లికేషన్)

దేశవ్యాప్తంగా పంచాయితీ రాజ్ సంస్థల (PRIలు)లో ఇ-గవర్నెన్స్‌ని బలోపేతం చేయడానికి, పంచాయితీ రాజ్ మంత్రిత్వ శాఖ (MoPR) యూజర్ ఫ్రెండ్లీ వెబ్ ఆధారిత పోర్టల్ అయిన eGramSwarajని ప్రారంభించింది. eGramSwaraj వికేంద్రీకృత ప్రణాళిక, పురోగతి నివేదిక మరియు పని ఆధారిత అకౌంటింగ్‌లో మెరుగైన పారదర్శకతను తీసుకురావాలని లక్ష్యంగా మొదలుపెట్టి కొనసాగుతుంది.

https://egramswaraj.gov.in/

eGramaswaraj

PGRS(పబ్లిక్ గ్రీవెన్స్ రిడ్రెసల్ సిస్టమ్):

1

PGRS Call-centre → PGRS call-center (1902 )

2

PGRS Website → PGRS website (https://meekosam.ap.gov.in/)

3

PGRS Monday → PGRS at Collectorate(Monday)

4

PGRS GSWS Desk → PGRS GSWS Desk

5

PGRS App → PGRS App

PGRS(పబ్లిక్ గ్రీవెన్స్ రిడ్రెసల్ సిస్టమ్)అనేది సార్వత్రిక ఫిర్యాదుల పరిష్కార హెల్ప్‌లైన్, ఇది పౌరులు నేరుగా ముఖ్యమంత్రి కార్యాలయానికి కాల్ చేసి వారి సమస్యలను తెలియజేయడానికి అనుమతిస్తుంది.మరియు జిల్లా కలెక్టర్, సంబందిత శాఖల వారికి ప్రజలు తమ ఫిర్యాదులు ఈ హెల్ప్లైన్ ద్వారా నమోదు చేసుకునే అవకాశం కల్పిస్తుంది. జిల్లా పంచాయతీ కార్యాలయ యూనిట్ కు సంబందిత ఫిర్యాదులను నిర్ణీత SLA కాల పరిధిలో పరిష్కరించబడుతుంది.

PGRS(పబ్లిక్ గ్రీవెన్స్ రిడ్రెసల్ సిస్టమ్)ప్లాట్‌ఫారమ్‌లు:

1 PGRS Call-centre → PGRS call-center (1902 )
2 PGRS Website → PGRS website (https://meekosam.ap.gov.in/)
3 PGRS Monday → PGRS at Collectorate(Monday)
4 PGRS GSWS Desk → PGRS GSWS Desk
5 PGRS App →   PGRS App

ఫైనాన్స్:

పన్నులు మరియు పన్నేతరములు:

ఆంధ్రప్రదేశ్ రాజ్ చట్టం-1994ప్రకారము గ్రామ పంచాయతీలకు కల్పించబడిన అధికారం ప్రకారం గ్రామ పంచాయతీలు తమ స్వంత ఆర్ధిక వనరులు వృద్ది చేసుకునే విధంగా పన్నులు, ఫీజులు, పన్నేతరములు విధించి వసూలు చేయుచున్నాయి. మరియు వసూలు చేసిన పన్నులు మరియు పన్నేతరములుసంబంధిత గ్రామ పంచాయతీలు నిర్వహించే ట్రెజరీ PD ఖాతా (జనరల్ ఫండ్స్ ఖాతా)కి సర్దుబాటు చేయబడ్డాయి. SPSR నెల్లూరు జిల్లాలోని గ్రామ పంచాయతీల పన్నులు(Tax) మరియు పన్నేతరములు(Non-Tax) డిమాండ్, వసూళ్లు మరియు బ్యాలెన్స్‌లు క్రింది విధంగా ఉన్నాయి:

2023-24 సంవత్సరానికి పన్నుల డిమాండ్, వసూళ్లు,   నిల్వ
డిమాండ్(in   Crores) వసూళ్లు(in Crores) నిల్వ(in Crores) వసూళ్లు   శాతం
అరియర్ కరెంట్ మొత్తము అరియర్ కరెంట్ మొత్తము అరియర్ కరెంట్ మొత్తము
7.9 24.27 32.17 6.17 20.63 26.8 1.73 3.64 5.37 83.31%

 

2023-24 సంవత్సరానికి పననేతరములు (non   taxes) డిమాండ్, వసూళ్లు,   నిల్వ
డిమాండ్ (in   Crores) వసూళ్లు (in Crores) నిల్వ (in Crores) వసూళ్లు   శాతం
అరియర్ కరెంట్ మొత్తము అరియర్ కరెంట్ మొత్తము అరియర్ కరెంట్ మొత్తము
1.01 3.75 4.76 0.74 3.33 4.07 0.27 0.42 0.69 85.39%

కార్యాలయ చిరునామా, ఇ-మెయిల్ , ఫోన్ నెంబర్లు :

వ. నెం. హోదా ల్యాండ్ నెం. సెల్ నెం. మెయిల్ కార్యాలయ    చిరునామా
1 జిల్లా పంచాయతి అధికారి, శ్రీ పొట్టి శ్రీరాములు నెల్లూరు జిల్లా 0861-2337199 8125157666 neldpo[at]nic[dot]in జిల్లా పంచాయతీ అధికారి వారి కార్యాలయము, కొత్త జిల్లా పరిషత్ కార్యాలయ ప్రాంగణము, దర్గామిట్ట, నెల్లూరు -524003
2 డివిజనల్   పంచాయతి అధికారి, నెల్లూరు – 6305733433 dlponellore[at]gmail[dot]com డివిజనల్    పంచాయతీ అధికారి వారి కార్యాలయము-నెల్లూరు, కొత్త జిల్లా పరిషత్  కార్యాలయ ప్రాంగణము, దర్గామిట్ట, నెల్లూరు -524003
3 డివిజనల్ పంచాయతి అధికారి, కావలి – 9492923197 dlpokavali[at]gmail[dot]com డివిజనల్ పంచాయతీ అధికారి వారి కార్యాలయము-కావలి, యం. పి. డి. ఓ కార్యాలయ ప్రాంగణము, కావలి.
4 డివిజనల్ పంచాయతి అధికారి, ఆత్మకూరు – 8008502948 atmakurdlpo@gmail.com డివిజనల్ పంచాయతీ అధికారి వారి కార్యాలయము- ఆత్మకూరు, యం. పి. డి. ఓ కార్యాలయ ప్రాంగణము, ఆత్మకూరు.
5 డివిజనల్ పంచాయతి అధికారి, కందుకూరు – 7075547162 dlpokandukur[at]gmail[dot]com డివిజనల్    పంచాయతీ అధికారి వారి కార్యాలయము- కందుకూరు, ఆర్. డి. ఓ కార్యాలయ ప్రాంగణము, కందుకూరు.

ముఖ్యమైన వెబ్ లింకులు :

వ. నెం. సేవలు వెబ్ సైటు చిరునామా
1 ఇంటి పన్ను https://appanchayats.ap.gov.in/APPRPortal/
2 వ్యాపార లైసెన్సు https://appanchayats.ap.gov.in/APPRPortal/
3 ఆస్తి విలువ దృవీకరణ   పత్రము https://appanchayats.ap.gov.in/APPRPortal/
4 మ్యుటేషన్    దృవీకరణ పత్రము https://appanchayats.ap.gov.in/APPRPortal/
5 నీటి కుళాయి https://appanchayats.ap.gov.in/APPRPortal/
6 వివాహ https://gramawardsachivalayam.ap.gov.in/
7 నో   అబ్జెక్షన్ సర్టిఫికేట్ https://appanchayats.ap.gov.in/APPRPortal/
8 భవన నిర్మాణ అనుమతి https://appanchayats.ap.gov.in/APPRPortal/
9 లే ఔట్ https://appanchayats.ap.gov.in/APPRPortal/
10 జనన, మరణ దృవీకరణ పత్రము https://crsorgi.gov.in/web/index.php/auth/login